codyavitia的部落格

陳嘉桓與TB王美莉拍過很多貼面合照，但都只出現在王美莉的微博，Rose似乎不太願意公開2人密友關係。

餓狼陰影

去年尾在橫店遇「餓狼事件」的19歲陳嘉桓（Rose），事隔1個月現身雲南拍電影《光輝歲月》，除夕同2壯男開P，繼續爛玩。
不過遇得狼多竟然轉性，上週Rose趁農曆年休息返港同親友過年，年初二（24日）抽空會TB密友，更在尖沙咀深夜當街互攬，狀甚親密。
據知這位TB密友有個甚有女性化名字叫王美莉，與Rose由中學玩到大，更man爆玩欖球運動！有「猛男」在旁護花，Rose唔怕遇狼啦！

 
去年11月在橫店被前輩馬德鐘和陳浩民狼吻的陳嘉桓，事隔近兩個月，表面已平伏心情，繼續拍戲繼續玩，不過她近期在微博只發放一些工作照，或與女性朋友的合照，似乎受餓狼陰影，刻意與異性劃清界線。

攬繑食糖水
上星期Rose趁《光》片煞科，趕回港與家人度歲。年初二（24日）接近凌晨時分，本刊發現Rose在尖沙咀金馬倫道，獨自冒着雨等人，撐着藍色雨傘的Rose站在港鐵車站口等了半個小時，才見身穿棗紅色衞衣、短髮的TB女出現。Rose一見TB女即上前熊抱，2人互攬兩秒才放開，然後Rose拿出手機與TB自拍，玩完一輪又攬又繑逛街，再往厚福街一甜品店吃糖水。記者翻查Rose的微博，發現她與當晚約會的TB女互相關注，TB女的微博署名為wongheiii，年約19歲，閒時甚愛玩欖球和籃球。微博上放有多張與Rose的貼面合照，友誼非淺。二人約會當晚，TB密友更即日上載跟Rose吃甜品的照片，照片上鋪滿了紅色心心，而2人中間寫了字母TWC，相信是她們朋友名字的縮寫，卻用疑似男性生殖器官的圖形框住，惹人遐想。

「唔理性取向」
週一（30日）本刊致電陳嘉桓，她坦言經過狼擒事件後，已避免再跟男士合照，Rose說：「公司叫我盡量唔好同男人影相，始終唔係咁好！」至於同TB女互攬，Rose解釋只係好朋友：「佢叫王美莉，由中一至中五都係同學，我哋同另一個姓曾嘅女仔最傾得埋，但姓曾嗰個去咗外國，我喺香港又少朋友，所以經常約美莉去街㗎！佢打扮係中性啲，但我哋只係好姊妹啫。我唔會理啲朋友嘅性取向，做朋友唔會理咁多，我就鍾意男仔嘅，暫時專注事業囉。」又係嘅，有女仔慰藉吓，好過聞陣男人除吖！

分開團圓
去年11月陳嘉桓在橫店被2餓狼輪玩，事隔2個多月，Rose已完全走出陰霾，不但復工拍戲，上週返港過年更玩得非常開心，再度活躍於微博，上載多幅初一玩到初五的照片，照片中Rose分別同已離異嘅父母聚頭，好女兩頭走！ ####

00:15 凌晨攬抱上週二（24日）Rose在尖沙咀等候半小時，TB密友才出現，2人即街頭興奮互攬，旁若無人。

00:20 撐傘密遊互攬過後，撐着雨傘的Rose拿出手機與TB密友合照，另一女性朋友則在旁觀看，然後一同到厚福街吃糖水。

 
01:30 甜品宵夜 TB密友即時將吃糖水照片放上微博，Rose隨後回應說：「中間個框同字母係我寫嘅，TWC係我哋另一個喺外國嘅朋友名英文縮寫，畫落去係代表我哋三個人一齊囉。」

狂咀女 Rose的TB密友熱愛欖球，微博有她練習時拍的照片（右圖）；她亦放了張親吻另一名女子的相片，不過Rose話唔會干涉朋友的私生活。

Man爆

陳嘉桓與王美莉一同就讀妙法寺陳呂重德紀念中學，當時中性look的王美莉（紅圈）已黐實Rose。

陳嘉桓想擺脫前輩陰影，早前除夕就同狄龍之子譚俊彥、米雪外甥徐偉棟在雲南倒數唱K，不過Rose回港還是覺得同女仔玩開心啲。

崵阿爸大利是大年初一Rose同爸爸（右）拜年及吃開年飯，Rose爸陳積奇更派了大利是。年初二Rose就約了TB女去尖沙咀，不過沒有將照片放上微博

 
同阿媽過山車年初三赤口，Rose則與媽媽兼經理人Ronnie過大海往澳門玩；初四就同阿媽（右）、細佬（左）去海洋公園；初五則往曾在《光輝歲月》中飾演父女黃日華家中拜年，日日有節目玩到盡。

陳嘉桓, rose, tb, 密友, 尖沙咀, 合照, 照片, 糖水, twc, 初二, 事隔